 |
||||
 |
||||
Самыя папулярныя старонкіБеларускія імёны (50923)Цудоўная вясёлка (42462) Флэш-мульт Курачка-Рабка (41917) Размалёўка: домік (40296) Як назваць дзіця? (38352) Каляды (каб хадзіць па хатах) (35482) Беларуская мова: гісторыя і сучаснасць (35090) Маляванкі для маленькіх: машынка (34324) Натуральны білінгвізм у дзетак (32866) Тата, а ты папа? (32820) | ||||
|
| ||||
Вершы пра бабулю
Віншаванне бабулі
Я бабулечцы сваёй
Песню праспяваю.
Прынясу ў яе пакой
Водар кветак мая.
У бабуліных вачах
Знікнуць аблачынкі,
Як пралескі ў гаях,
Расцівтуць смяшынкі.
Галіна ДАШКЕВІЧ
Бабуліны казкі
У бабулі маёй рукі лоўкія,
У бабулі маёй песні доўгія.
Разматае клубок з новай казкаю,
Прыйдзе хітры каток, трэцца з ласкаю.
Хоча лапкі пагрэць, завуркоча ён.
Ні гуляць, ні дурэць нам не хочацца.
Вось і дзень праляцеў, і не спіцца нам,
Бабка казкі пляце чараўніцаю.
Вера ВЯРБА
Раскажы мне, бабуля, казку
Раскажы мне, бабуля, казку,
Што ў маленстве калісці казала.
Раскажы пра дзяўчыну-краску,
Што хлапца-малайца пакахала.
Раскажы мне, бабуля, казку —
Хай там праўды доля малая, —
I крані спагадай і ласкай,
Што ў жыцці часам так не хапае.
Добрай мудрасці першую звязку
Мне ў душу назаўжды палажы.
Раскажы мне, бабуля, казку,
Як калісці малой, — раскажы.
Алена РУЦКАЯ
У бабулі
У маёй бабулі
Тканая кашуля,
Белая, льняная,
Вышыта ў рагулі.
— Дзе, скажы, бабуля,
Ты яе купляла?
— Не купляла, ўнучка,
Сама сабе ткала.
Сама сабе прала,
Сама вышывала,
Як была дзяўчынай,
Яшчэ пры лучыне...
Як рукі рабілі.
Як вочы свяцілі —
У час жніўны і роены,
У мінулыя вёсны.
Ларыса ГЕНІЮШ
У бабулі Паланеі
Даль паднімуць, сон развеюць.
Разбірай, лугі, касцоў! —
У бабулі Паланеі
Пяць асілкаў-малайцоў.
I ў спякоту, і ў завею
Кліча вуліца хлапцоў —
У бабулі Паланеі
Пяць асілкаў-малайцоў.
Віктар, Косця, Пеця, Дзіма,
Самы меншанькі — Назар.
...На пажоўклы фотаздымак
Пакацілася сляза.
А чаму — пытаць не смею.
Для бабулі свет не міл —
У бабулі Паланеі
Пяць сыноў і пяць магіл.
Яўгенія ЯНІШЧЫЦ
|
|
| Адзнакі: 0.00/5.00 [0] |
| Няма каментараў да гэтага артыкула | |
|
|
Форум / Блогі / Фотаальбом / Подпісы да форумаў / Афіша / Паштоўкі / Жывы слоўнік / Наша мапа
Мапа сайту / Пра нас / Кантакты
У артыкулах захаваны правапіс аўтара. Тэксты выкладзеныя ў азнаямленчых мэтах. Калі знаходжанне пэўнага тэксту ў нашай бібліятэцы парушае Вашыя аўтарскія правы - калі ласка, паведамце пра гэта па адрасе dzietki@gmail.com і мы тэрмінова прыбяром тэкст з сайту.
© "Нашыя дзеткі", 2006-2010. Усе правы абароненыя. Выкарыстанне матэрыялаў у камерцыйных мэтах ЗАБАРОНЕНАЕ. Пры некамерцыйным выкарыстанні матэрыялаў спасылка на сайт "Нашыя дзеткі" абавязковая.
Па ўсіх пытаннях лістуйце нам!
